الاوراق المطلوبة في التاشيرة

صورة من جواز السفر
شهادة ميلاد من السجل المدني تترجم للنجليزية وتصدق من الخبرة القضائية (سبها في مركز شرطة قعيد الدور التاني) والخارجية في طرابلس ( في النوفلين قرب سوق النوفلين) الخارجية تدفع 5 دينار اما الخارجية في سبها فهيا في المجمع لاداري الدور التاني قرب السجل المدني
شهادة التخرج كان مش مترجمة تترجم ونفس الخطوات السابقة اضيف عليها تصديق مكتب ضمان الجودة بن عاشور قرب مصحة المختار الشارع الي فيه المصحه اول فتحه علي اليمين تلقها في نهاية الشارع 5 دينار علي الايفاده
كشف الدرجات كان مش مترجمة تترجم ونفس الخطوات السابقة اضيف عليها تصديق مكتب ضمان الجودة بن عاشور قرب مصحة المختار الشارع الي فيه المصحه اول فتحه علي اليمين تلقها في نهاية الشارع 5 دينار علي الكشف
شهادة خبرة من العمل السابق تترجم للنجليزية وتصدق من الخبرة القضائية والخارجية ( في النوفلين قرب سوق النوفلين) الخارجية تدفع 5 دينار
شهادة خبرة من العمل الحالي تترجم للنجليزية وتصدق من الخبرة القضائية والخارجية ( في النوفلين قرب سوق النوفلين) الخارجية تدفع 5 دينار
السيرة الداتية سي في بالانجليزية
رسالة القبول من الجامعة
رسالة الدعم المالي للتاشيرة
الكشف الطبي بس يقولو لغوه تاكد منهم
شهادة الحالة الجنائية تترجم للنجليزية وتصدق من الخبرة القضائية والخارجية ( في النوفلين قرب سوق النوفلين) الخارجية تدفع 5 دينار موقع استخرجها صلاح الدين تقريبا الجوزات
رسالة السي او اي كان فيه احسن
عموما يتم تجهز الملف من صورة واصل يعني تصور كل الاوراق وتمشي للقنصلية في برج الفاتح وتصدق علي الصور وترفع معاك جواز السفر بعد تختم وتصدق علي الاوراق تقدر تمشي الي مصر او تبعت عن طريق مكتب كيف تبي انت وتدفع مبلغ بعد تقدم في التاشير وهو 405 دولار امريكي او مايعادلها وتكون بالليبي 510 تقريبا
كان انت مشيت لمصر السفارة تفتح يوم واحد للتاشرات الطلبة وهو الاحد الساعة 12 طهر كان ما تغير التوقيت بالاضافة الي الاوراق السابقه في نمودج تعبيه وهو اسمه اي 157
a157 it is in [ندعوك للتسجيل في المنتدى أو التعريف بنفسك لمعاينة هذا الرابط]
ممكن تلقاه علي الموقع هدا
وانشاء الله انا مانكون نسيت شي ومستعد لاي استفسار نقدر عليه وجزاك الله الف خير
بالنسبة للزوجة و الزوج
نفس الاوراق والخطوات السابقة
زيد عليها عقد القران ويترجم تترجم للنجليزية وتصدق من الخبرة القضائية والخارجية ( في النوفلين قرب سوق النوفلين) الخارجية تدفع 5 دينار
والكشف يكون لكل افراد الاسرة
وشكرا

السلام عليكم يا اخوة هل التصديق من الجودة على الشهادة المترجمة ضروري .لاني خاتمة من الخارجية ومش خاتمة من الجودة

بسم الله
اختي سلمى افاد التخرج وكشف الدرجات فقط من يحتجان لختم ضبط الجودة لاغير

السلام عليكم و رحمه الله و بركاته

فعلاً إختى سلمى، كما قالت أم محمد و التي أوجه تحياتي لها

إفادة التخرج و كشف الدرجات فقط من يجب التصديق عليهن بختم ضمان الجوده

و موفقة بإذن الله

خير عليكم يا احوان الموجوديين باسترالية بالله كيف اخباركم ان شا الله تمام وشن حال الطقس عندكم استفسار بسيط جامعة ولونغونغ في اية ولاية والطقس فيها شن بيكون فيها في شهر اي النار

السلام عليكم
نشكر من ساهم بالرد بالنسبة للخت اناموضح كل شي اما بالنسبة للصحرواي ممكن من قوقل تحصل علي معلومات وفي المنتدي متكلمين عليه
وشكرا.............

السلام عليكم جميعا اخواني..

ياريت الي يعرف مكان ختم الخبرة القضائية في بنغازي يقوللنا. هل ممكن يكون في المحكمة الشمالية او عند احد مكاتب الترجمة زي ختم الخارجية. ؟ جزاكم الله خيرا