احدروا اخوتي الطلبةالموجودين في ليبيا

السلام عليكم ورحمة الله وبركاته
ااخوتي الطلبة اضررت لكتابة هدا الموضوع لانه فيه فايدة للجميع وهو ارجوا من الاخوة الطلبة اللدين مازالوا يبحثون عن جامعة واللدين يريدون تقديم اوراق الفيزا ان يبتعدوا عن مكتب الموفيز الموجود في داخل برج الفاتح لان وبصراحة اني معاهم من اول ما فتحوا يعني من اول ما طلع القرار الى الان وهم كل يوم يمشوا فيا ويجيبوا وهم مش فاهمين طريق العمل اصلا كل مانمشي يقولولي شئ وهدا اخر شئ صار معاي اني كنت متحصلة على قبول من جامعة بوند تحصلت عليه بنفسي بدون مساعدة وبعدين مشيت لهدا المكتب وكملت اوراق الفيزا وقدمت عليها وتمام وخلاص انحلت مشكلة الفيزا بعد مابدت في برج الفاتح جيت نراجع في المكتب ليش تتاخر الفيزا لهدا الوقت اقنعوني انه بسبب ماعنديش قبول اكاديمي وانه هم حيجبولي قبول لغة واكاديمي قلنا يالله ماشي احسن وجابوا القبول اللغة والاكاديمي من جامعة جنوب كوينزلاند والله ما يدروا على انه القبول جي لين مشيت اني للمكتب وقلتلهم انه الجامعة بعثتلي وقالتلي انه قبولك تلقيه عند وكالتك
تصوروا الشئ هدا وقعدوا يتاسفوا ويبرروا انهالشغل زحمة وطبعا لغينة السي او اي الاول وبدينا نستنوا في السي او اي الجديد شهر باش بعث المكتبالشعب ورقة الضمانة ولما بعثوها للجامعة طلعت ان عندي مشكلة وهي انه اني متحصلة على دبلوم عالي ولازم نكمل بكالوريس والخ من المشاكل واللي مش عارف المكتب بيها لين نجيهم ونوضحلهم وبعدها يقول اه والله صح
المهم اخوتي الطلبة احدروا هده الوكالة لانهم والله بعد خبرتي بيهم ماهم فاهمين حاجة وما عارفين روسهم من رجليهم والكارثة اني مش قادرة نسيبهم لاني دافعتلهم الفلوس
وانا اسفة على هالتطويلة ولكن من قهرتي وحرصي ان مايقعش حد في هالمكتب

والله يا اخت ام محمد نبت في لساني الشعر من كثرة التحدير من الوكالات الموجوده في ليبيا و في الأخير أتهمت بأني أحبط من معنويات الطلبة الموفدين , وانا اتفق معك تماما اخي مختاظ في الأسماء التي ذكرتها فهم مثال في الصدق و الشفافية

أرجو زيارة هذا الرابط
[ندعوك للتسجيل في المنتدى أو التعريف بنفسك لمعاينة هذا الرابط]

السلام عليكم ..
والله ياختي ام محمد صدقتي في كل كلمة قلتيها لاني من ضحاياهم والحمدلله اني تحصلت على الفيزا بعد جهد جهيد وما ننصحش اي حد يتعامل معاه لان كلام من غير فايدة وكل يوم تلقى وجه جديد وما تعرف مع من تفاهم تخيلوا لحد هذه اللحظة لم اتحصل على سي أو إي بلله ناس تشرد في الطالب وتبيه ايدير خيمة بحداهم ويلا ايصير منهم والله حالة مساكين الطلبة
واكرر بعدم التعاون مع مثل هذه المكاتب واخد الحيطة والحذر في التعامل قبل دفع المبلغ الخيالي ما فوق الف دينار ليبي

السلام عليكم ورحمة الله وبركاته

اخوتى الافاضل بالنسبه لمكتب الموفز كل من قدم عندة ممن اعرفهم يشتكون من هذا المكتب مما اطرنى الى التقديم على وكاله الأيجك (igec ) والموجود فى الدور 17 في برج الفاتح وتحصلت منهم على القبول و تحصلت على السى او اي والان بنبدا فى اجراءات التاشيرة وقد طلبوا منى مبلغ 250 دينار

اخوتى الافاضل ارجوا منك الافادة عن هذا المكتب قبل فوات الاوان هل تنصحونى بأن اكمل معهم مابدأت
والسلام عليكم ورحمة الله وبركاته

السلام عليكم الحق يقال انه توجد بعض المكاتب التي تهتم بالمكاسب المادية ولكن برايي ان من هذه المكاتب من عنده مصداقية مثل ال د. عبد السلام النويصري وهذا بعد تجربة شخصية لي ولزميلتي
والله اعلم

السلام عليكم،،أنا أيضا أحذر كل الطلبة من التعامل مع مكتب موفز الموجود في برج الفاتح،و طبعا هذا من خلال تجربتي معهم حيث تحصلت على القبول بنفسي و تقدمت للفيزا فقط لديهم و دفعت مبلغ 881 د.ل مع وعود بالحصول على الفيزا في شهر ،و ذلك بتاريخ 18-10-2009 .
عدا عن المعاملة غير اللائقة من قبل الموظفات(التي تتغير وجوههن كل شهر تقريبا) و عدم الإجابة على رسائل البريد الألكتروني من قبل الطلاب ،بل حتى عدم متابعة ملفات الطلاب،حيث ان الوكالة قد تسلمت اتعابها مسبقا فلا يهما ما يحصل للطلاب،حتى أنني لم أعلم بصدور الفيزا(بعد أربعة أشهر) إلا من خلال إتصالي بالسفارة الأسترالية،مع أنه يفترض بهذه الوكالة أن تقوم بكل الإتصالات الضرورية مع السفارة.
فأنصح الإخوة الطلبة بالإبتعاد عن هذه الوكالة بالذات،و التي لا يهمها إلا الإرتزاق من وراء الطلبة.
و السلام عليكم و رحمة الله.

السلام عليكم ورحمة الله ...

في بعض الوكالات أخذت دعاية أكثر من الازم حتى اصبح الطلاب يقفون طوابير على ابوابها ومعاش قدرو يلحقو على الطلبات واصبح هناك تقصير واضح في احترام المواعيد والمصداقية مع الطالب، قلنا نمشولهم باش يوفرو علينا الجهد والوقت لقيت روحي شاد خط مصراته طرابلس ، نفس الشي حصل معاي مع مكتب المسارات في حي الاندلس اسبوعين الاوراق ملوحة عندهم وبعدها بالصدفة نفتح الايميل نلاقي رسالة : من فضلك يرجى القدوم الى المكتب لتوقيع الاوراق ... يحسابوني عايش في واشنطن دي سي وايميلي نفتح فيه كل يوم مستخسرين حق مكالمة تليفون شوفو القفاصة وين توصل ، فااااار دمى الصراحة وقلت لنفسي الخانوم هدي الى مدايره لاب توب وتحساب روحها تجيب في لبن العصفور ومدايرة دعاية نصب في شنو خير مني، هو ايميل للجامعة و سي سي للمكتب الشعبي في اسبوع حصلت القبول ، لازم يا اخوتي الواحد تكون عنده ثقة في نفسة ويحاول يسأل ويتعلم مايربطش مصيرة بناس هذفهم الاول الربح المادي يستقبلوك بالورود وبعدين شد ماجاك .. الله يكون في عونك أختى أم محمد

السلام عليكم،،نعم أخي فيصل هذه الوكالات أخذت دعاية أكثر مما تستحق،و لكن الحمد لله الأمور إتضحت الآن،و الحمد لله أن أجراءات الفيزا تسهلت ،و هكذا لن يعاني الطلبة الذين سيأتون بعدنا ،و هذا فيه عزاء لنا.و نسأل الله أن يفرج على الذين ا ينتظرون الفيزا.
و السلام عليكم.

السلام عليكم ورحمة الله وبركاته
والله يااخوتي كلنا عانينا الامرين من هده الوكالة اللي كل يوم تمشي فيه تلقى وجه جديد يقولك انت شنوا اوراقك وتبدا الشرح من جديد وبدون فايدة وحرق اعصاب وخلاص المفروض نشكوا فيهم عند السفارة باش يتوضح الامر للجميع واني حنكون اول من يشكي فيهم لاني طفح الكيل واني من 18-10-2009 واني نستنى يوم قبول اللغة هو التاخير وبعدين السي او اي ماجاش ويالله تقول يخلقوا في العثرات للطالب خلقة
ربي يعينا وخلاص

السلام عليكم
اخوتي في المنتدي.......لاحظت التركيز حول التفويض المالي .....بالنسبه لاجراءات في ليبيا ماهياش مشكله لانها تبي شوى صبر بس ولكن المشكلة الكبيرة التي يعاني منها معظم الطلبه الليبيين وهيا ذهاب الي استراليا بدون اي تنسيق من حيث استقبال في المطار والسكن ......وغير ذلك ......نصيحه اقدمها لكل طالب وهي تنسيق مع اي طالب يدرس في نفس الجامعه او يقيم في نفس المدينة لان الحياه هنا مش بالساهل زي ماكنت متصورها

السلام عليكم ورحمة الله وبركاته
أخوتي في الله أخواتي في الله
تحية طيبة لكم جميعا
و الله يؤسفني الذي يحصل لنا نحن الطلبة
و نصيحتي لكل طالب أن يشتغل بروحه و الذي يحير في شيء أخوتنا في هذا المنتدى إن شاء الله يفيدوه
و الله أنا جرب إثنين من هذه المكاتب
و أحدها موفز
و قصتي معه ككل فرد زار هذا المكتب
تخيلو أن سوء التنظيم وصل لدرجة أنهم و الله بعتو لي قبول من الجامعة و قالو لي تعال للمكتب و عندما وصلت لهم لا يعرفون أي شيء على القبول اللي بعتوه وقالو مازال لم نحصل على قبول
تخيلو يا أخوتي
جلست نعمل بروحي وراسلت عدة جامعات
و كلهم ردوا في خلال شهر إما بالقبول أو بالرفض
و الحمد لله في 3 أيام من مراسلتي حصلت على أول قبول
فأنا أنصح أي طالب بأنه يراسل بنفسه ويوفر الوقت
و الله ولي المتقين
و السلام عليكم ورحمة الله وبركاته

السلام عليكم
اخواني الاعضاء بسبب كثرة المشاكل التي سببتها لي امثال مكتب موفيز فأرجو نصحي في امكانية التغير في التوكيل فهل يحق لي ان أغير الوكالة من مكتب لاخر او اي شخص بدون الرجوع او اخد الاذن من هذا المكتب ولا يلحقني ضرر من هذا التصرف .(مفيش مسائة قانونية بتاتا)
فالرجاء النصح والمشورة لمن لديه خلفية او من ذوي الاختصاص فالأمر جدي ومهم بالنسبة لي
وشكرا

السلام عليكم
ياريت اللي عنده خلفية ع الموضوع يجيب لان الامر مهم وجاد جدا فياريت حد اطمني

السلام عليكم ورحمة الله وبركاته
اختي الفاضلة اني غيرت من هالوكالة وعادي جدا وبنسحب فلوسي منهم خلال هاليومين

السلام عليكم
اريد ان اسالكن اخواتي ام محمد وام محمد....لماذا التغيير؟؟ فلابد انك وصلتن لنصف المشوار وهكذا ستضيعن المزيد من الوقت....وانا اسال لكي اتفهم لاني قدمت على احد هذه المكاتب وانتظر التاشيرة الان
فمالذي حدت....والى اي نقطة وصلتن بالضبط بمعنى هل تحصلتن على قبولات والسي او اي ام لا؟؟
ارجوا ان توضحن لي لكي اعرف مالسبب وهل انا في نفس المشكلة ام لا....وشكرا

السلام عليكم ورحمة الله وبركلتهانا احد الطلبة الدين تحصلوا علي قبول اللغة والاكاديمي لوحدي والحمد اللهانصح جميع الطلبة بالدخول علي موقع الجامعة المرغوب فيها متل جلمعة نيوساوت ويلز وتخش علي مركز االلغة وتلقي ايقونةapply on lineمجرد ما اتعبي الفراغات ابعتها لهم ويردو عليكذاما  بالنسبة الي التاشيرة مافيش كيف تمشي بروحك او تبعت اوراقك الي احد الطلبة الليبين في مصر كان تعرف حد لان المكاتب صلاطة والحق اللي عاطيهم مكان اخسارة فيهم كيف برج الفاتح بش ايصمصروا علي ابناء ليبيا الغد في ابلادهم والبعتات كانها ما تندري ولا الموسسة 

السلام عليكم
أخي فهد ربي يكون في عونك لانك حتعرف المعاملة بعد التأشيرة لاحد بدورك ولا بيردوا علي تسألتك ولاحتي التلفون تلقاه فاتح وان كان مش مقفل حيماطلوا فيك بالنسبة ليا أني بيش خديت التأشيرة بعد خليني وخلينك وسي أو إي ماخديته لين قريب عسكرت بحدهم غير المعاملة كل يوم سبحان الله وجه وياريت عارفين حاجة المفروض حفظوك من كثرة التردد عليهم ولكن تبدأ تحكي من الاول ووين واصل وبعدين ايقولولك حاضر تو احنا نتصل بيك وراجي كان حد اتصل تولي تتصل ودكرهم ايقولوا ليك بعد اليوم الفلاني ولي وسأل وكان لقيت من رد عليك .بصراحة وكالة تشيب الراس وتبي تعرف اكثر نبي انأجل الموعد الدراسة ما لقيت واحد فهمني مجرد ما يعرفوا انك حصلت الأشيرة اقبالة خطان عليك حسبي الله ونعم الوكيل .
ولو تبي تعرف اكتر شوف الموضوع هذا من البداية وتلقي الكتير من المواقف .
وبالمناسبة نحب نشكر خوي محمد الامير والاخ بلقاسم السني على ما فعلوه معاي ونصائحهم لي وبارك الله فيهم .

شكرا لك اخي علي انا او الاخ محمد الامير لم نقوم الا بالواجب
سلام
بلقاسم السني

حسبنا الله ونعم الوكيل فيهم