خليك كيف ايوب واصبر صبره

خليك كيف ايوب واصبر صبره اوخذ من احداث الدهر درس وعبره
خلك صابر وخليه ظيم الدهر يمشى عابر
كم جيل خلف ع الوطاه مقابر المفروض سيرتك كى سيرته تعتبره
واسمع نصائح من شيوخ منابر ان مات من عمل بيهن اينور قبره
خلى ايمانك بواحد عليم الحال فيده شانك
ولا يفيد من عزك ولا من هانك ولاحد ذراه ايحول دونك غبره
وانجيت بيمينك شايله ديوانك تلقى مقامك فالنعيم وتبره
ونكان في معاصييك ركح ميزانك وتى بنانك للجحيم وكبره
واوعى الزله من اطراف اللسانك راه اكيد العظم تكسر هبره
خلى افكارك وراقب المولى في جميع اسرارك
واخشى يوم قدامه اتشيل اوزارك وفوقك اللى دوبه امشبك ببره
ووصلت ياغالى على حفارك عليك فصله مافات طوحت شبره
آما روضه وفيه مد ابصارك ولا فيه توعى جثتك منبثره
خليك كيف ايوب واصبر صبره اوخذ من احداث الدهر درس وعبره

السلام عليكم
كلمات طيبة موفق