نصيحة وسؤال

بسم الله الرحمن الرحيم
كل عام والجميع بخير
هناك مشكلة اعزائي وهي وصلت الي عن طريق الايميل من احد الطلبة الموفدين في استراليا بأن المكتب لايرد على طلبات واتصالات الطلبة ولا حتى المشرف الطلابي الذي في بداية الامر اظهر اللين والتعاون لهم وبعد ذلك اصبح لايرد ولايعبر في اتصالتهم ولا رسائلهم وكلما ارسلوا اليه فواتير ارسل لهم بأن الميزانية المصروفة من ميزانية المكتب وانما ليس على الطلبة ككل وانما هناك محاباه وموده للبعض منهم ولا والذي اكثر من هذا بأنه له عملاء من بعض الطلبة ضعاف الايمان والنفوس ينقلون له الاخبار اول بأول بالله عليكم اذا كان هذا الامر صحيحا لا تجعلوا هذا يتمادي وانا انصحكم بتوقيف الامر عند حده وهو ملزوم بالرد على جميع الطلبة دون استثناء وهو دائما في اجتماع اي اجتماعات ياجماعة ارجوكم اوقفوه وانا اقول لكم معلومة جديدة وهذا للعلم للطلبة بأنه يقوم يتنسيق مع بعض الطلبة لاعادة تكليف احدهم لاتحاد الطلبة في أستراليا وارجوكم يااخواني هذه المعلومة وصلتني فعليكم بالحيطة والحذر يااخواني من هؤلاء المفسدين الذين هم القطط السمان الذين دمروا البلاد ويريدون انهاء طلبة المستقبل ورجال الغد
والسلام عليكم ورحمة الله وبركاته

السلام عليكم ورحمة الله وبركاته
بالنسبة للرد والاتصالات فاناعن نفسي اقدم له الاعذار قداش منه مسكين وبالنسبة للفلوس والفواتير فاعتقد بانها تصرف وفقا للقانون واللي في الائحة كله خذينه من كمبيوتر ومنحة شهرية وسلفة وتامين طبي وكل اللي موجود باللائحة وحقنا وصلنا والحاجات الاخرى جت باهي ماجتش ماهيش من حقنا باش نتكلم عليها والراجل طيب وخدوم ومسالة الرد بالله قداش بيرد على واحد واتحاد الطلبة وغيره فهذا اعتقد انه امر لا يعنينا لاننا اولا واخيرا جينا للدراسة مش لاشياء اخرى ومصطلح القطط السمان ما ينطبق على الراجل هذا
وسلامات

السلام عليكم جميعا
ياسي السيد اولا انت رديت ودافعت ومعاك الحق افتراضا انقول يد وحدة ماتصفقش ليش ايش ايدير لازم يرد ولا انت عند في الزوايل وامورك تمام معاه ياراجل من كثرتهم طلبة استراليا وبعدين هذا حقك واطالب بيه وبعدين مشبطة وملبطة كيف جيت انت غادي في استراليا ولا لانه هو ماسك وانت مستفيد ياراجل هذوم ماتحزم بيهم وهذه نصيحة وبالنسبة لحكومتي الايام قريبة وجاية وتوا نتلاقوا وتعرف كلام ولا فعل وكلا من الاتحاد انا مسؤول علي كلامي قاعد يعول علي جماعته واللي ينقلولة في الاخبار هذي بلا فقي وانت غادي معاهم وادري هذا اذا مانت وااااحد منهم سامحني عالتعبير لكن انا انقولك الفى علي الطلبة وخليك واساند معاهم والله الجملة جمل وانا انقولك اهو والدنيا صغيرة راهو دعوة المظلوم والمسافر مستجابه واه والله يدعو عليه ياراجل قاعدين وانا انقولك جاي اقالته وجن تقارير عليه البركة في الاقلام والاتصالات وانا بعد انجيكم في شهر 2 ان شاء الله2010 وتوانتلاقوا والرجال اتلاقى والجبال ماتلاقى وكلا من الرد يد وحدة ماتصفقش انا ماقتله جيب فرقة واعزف وصفق انا قلت ليش مايردش علي الطلبة ولاعلي الايميلات عليش هو مشرف طلابي وانا غلط كلامي ياسي سيد اول مايجي يرد وبعدها يطنش ياراجل المكتب كان امسيرة شخص واحد وحال مشاكلة علي حد علمي وهذا داير موظفين وموظفات ولا دائما في اجتماع قولي علي يجتمع ومع من ويخدم في من ياراجل ريح روحك انت وخلي كل واحد يعبر عن رايه وبعدين هو مشترك في المنتدى خليه يرد وشوف المشتركين وتأكد وانا انقولك اطلع من الموضوع ياسي سيد
وكل عام والجميع بخير وانا اشكر القائمين علي هذا الانجاز الرائع واشكر جميع من يساهم في ايصال وايجاد المعلومة والحلول واشكر بشكل خاص مدير المنتدى والمشرفين عليه والسلام عليكم ورحمة الله وبركاته
وكل العام وانتم بخير