السلام عليكم راسل اكثر من مكان في نفس الوقت وحاول اتراسل مكتب طالب الغد وقول انا من طرف وحدة في درنة حصلتولها وهذه فرصة عشان نشكرهم وبارك الله فيهم

السلام عليكم ....

أخى الكريم bob agoree انصحك بمراسلة Student Services Admissions Officer للجامعة المطلوب الدراسة بها مباشرة وبدون اي وسيط مع ارفاق صورة من جواز السفر ورسالة مكتب الدراسات العليا لغرض الحصول على قبول اللغة-أكاديمي لان المكتب الشعبي عطاهم الضوء الاخضر بأتمام كافة أجراءات القبول مباشرة وبعد ذلك تكمل أجراءاتك مع المكتب الشعبي.أو تشوف مكتب خدمات دراسية وهي ما اكثرها وانت ونصيبك معاهم.

بالتوفيق للجميع ...
If you are Libyan sponsored student looking to come to Australia to study. Please contact the university that you would like to apply directly or go to a student agency for assistance

السلام عليكم
أنصحك بمراسله احد الطلبه المتواجدين في أستراليا لمساعدتك في اتمام الأجراءات مع الجامعه و المكتب الشعبي. و حتى لو راسلت احد المكاتب الخدميه ما فيش مشكله المهم ان الاجراءات ما شيه . بالتوفيق

السلام عليكم ورحمة الله وبركاته
الله يوفقك ياأخي لكن هذا المكتب علي حسب كلام الطلبة مشرفهم دائما مشغول وعنده اجتماعات مسكين مشغول وهو فاضي امخلي المصريين والسوادين يردوا وهم الواجهة خسارة داير روحة دكتور في الصيدلة وماسك مناصب والله يلقاه في صحته واولاده وكل غالي عليه انت اسعى كيف ماقالولك اخوانا وربي قاعد فوق لكن والله انا جاي موفد وعندي كم واحد من اقربائي واصدقائي والله نقلب عليه الدنيا كلها وانا جاي والله الحكومة نقلبها عليه وانا علي حق وانا جماعتي يحكولي باستمرار يارجل امعين معاه موظفات عليش ولا توا بادي يلعب في التذاكر للطلبه ويقرقض عليهم لكن انا جاي وقوله قرار ازالتك جايبه امعاي وحااندير اتصالاتي وتوا الدنيا مادايمة لحد وقوله الكرسي كرسي حلاق وانا ننصحك شوف الشباب وان شاء الله يساعدوك ويعوفوك الصح وماطار طير وارتفع الا كماطار وقع
زالسلام والاحترام لكل من يشارك ويقول الحقيقة دون تغليف
والسلام عليكم ورحمة الله وبركاته

لسلام عليكم ورحمة الله وبركاته
كل سنة وانتم طيبين وينعاد عليكم بالصحة والسلامة
يا سيد الفاروق الراجل ما هو مقصر وما فيش داعي للسب وللعن هذا جانب ومسالة يرد وما يردش يعني من الصعب انه يرد على كل حد وزي ما يقولوا (يد وحدة ما تصفق) قداش بيرد على واحد مسكين المشاكل في استراليا والا من ليبيا بشر زي كل البشر وبالنسبة لجيتك وحكومتك وغيرها واستعراضك الزايد ندير وندير خليهاغادي مشبطة ملبطة عليك ما يدير عبد وما يصيرله الا بمشيئة الخالق والراجل مازال نبوه وبارك الله فيه ما هو مقصر واللي تعرفه خير من اللي ما تعرفاش
وسلامات ما فيش داعي للفتنة واثارة الزوابع والكلام الفارغ

السلام عليكم ياشباب حاب اضيف وازيج على الللي قولتوا ويسلم فمكم المكتب الشعبي والعاملين فيه ليش مايديروا اكثر من موظف مدام حاسين ان عنده زحمة انا راسلتهم قبل العيد بفترة لين امس ردو عليا وقالوا ان في غلط في الاجراءات يعني كان راسلتهم اليوم بيردو عليا بعد 15 يوم
لاحولة ولا قوة الا بالله مانقولوا الاان شالله خير ربي يوفق الجميع

السلام عليكم اخوتي الطلبة بهذا المنتدى
أود أن احيطكم علما وهذا معروف لكثير من الطلبه الآن اجراآت القبول تم فتحها عن طريق التشاركيات .
وبالنسبه للكمتب الشعبي فإنه يقوم حاليا بتأكيد التسجيل (السي او اي ) والحقيقة السيده ايمي مش مقصره وترد على الإيميل وانا عن تجربتي راسلتها وقامت بالرد عليا وارسلت لي رسالة الدعم المالي من المكتب الشعبي وراسلت الجامعة التي اود الدراسة فيها .وانا انتظر الرد من الجامعة
وربي يوفق الجميع

اشرك يااخي الطالب انا راسلتهم بخصوص الس او اي لابعتولي رسالة اراسل فيها الجامعة ولاشي بولين وصورة وضحونا يالاخوان انا بعتلهم رسالة الدعم المالي وصورة من القبولين والجواز السفر يعني جميع الاجراءات المطلوبة المشكلة وين وتوا ليا قريب الشهر ومعاه

يا أخي ابعت للسيده ايمي مباشرة عن طريق الإيميل [ندعوك للتسجيل في المنتدى أو التعريف بنفسك لمعاينة هذا الرابط]
وابعت صوره من جواز السفر (عربي +انجليزي )
رقم قرار الإيفاد ورقم تسلسلك بالقرار
القبول (لغة +اكاديمي) ولابد ان يكون من نفس الجامعة
رسالة الدعم الصادره من البعتات
واكتبلها باللغة الإنجليزيه لانها ماتفهم عربي
وربي ايوفقك

السلام عليكم ورحمة الله وبركاته
انا ننصح اي واحد جاي لاستراليا يشوف المكاتب والتشاركيات ولا الطلبة اللي عارضين خدماتهم بدل ماتراسل المكتب ولا اللي ماتسماش ايمي والله انا ننصح شوف الشباب الليبين اللي يدرسوا في الساحة مثال الامير وغيرهم هذوم يخدموكم علي اكمل وجه واللي فيهم مش خسارة كلا المكتب كان عباك والله بجد لايردوا علي ايميلات وكان قلنا الراي بصراحة يبقوا يبعثوا في رسائل خاصة امثال سي السيد اللي يدافع باستماته والله انا ننصح لاني راسلتهم واااااجد وعلي قول المثل فيك ياوادي انا امجرب واخروني الي ماادخلن جهات اعلى تمولي اجراءاتي وانا جاي ان شاء الله في شهر 2 الجاي واالله ياشباب المنتدى انصحوا بيه اي واحد يريد يدرس في استراليا لان يوضح الصورة كامله ورحم الله والدين من سعى واشرف ويشرف على هذا الانجاز وانا انقول لازم ياطلبة اتوقفوا اي واحد يعطل او يرخي طلباتكم والله اكبر واعلى وفوق والله اذا ماتساندتم ضد اي شي ماتنجحوا لازم المشرف يبقى معاكم مش عليكم واهو وان غدا لقريب وانا لما حكيت وجهة نظر وتعبير وقلت رد علي سي السيد وبعدها راسلني برساله خاصة ليش ماراسلني علنا لكن اهي ماشية وربي يسهل الامور وماطار طير وارتفع الا كماطار وقع والسلام عليكم ورحمة الله وبركاته

السلام عليكم
بارك الله فيك و بصراحه الطلبه المفروض يكون عندهم وطنيه و يدعموا بعضهم , من رأي ان الطلبه الليبيين اللي بيوا قبولات من أستراليا لابد من يعوا شويه الى المرتزقه الاستراليين الذين لا ليهم دين و لا مله و كذلك المكتب اللي في برج الفاتح و اصاحبه أردنيين , انا تعاملت معهم و شفتهم عن قرب ,كلهم مكاذب و كلهم همهم هو جمع الفلوس و بس و الاستفاده على أسم الطالب من الجامعات
أخواني ليس فلوس البلاد يمشن الى الغير و ليس يمشن الى الاجنبي و الاجنبي مش افضل من محمد الأمير و لا عبدالسلام النويصري
لهذا انصح كل الطلاب بالاتصال الفوري بالاخ محمد الأمير او الدكتور عبدالسلام النويصري فهم من له درايه بأمور أستراليا كلها و ما يحتاجه الطالب الليبي و ا العائله الليبيه
الوقت يمضي و نراجوا من اللجميع التكاثف