توفير قبولات للطلبة الليبيين مجانا من اي جامعه في أستراليا

مشكور الأخ محمد الامير ونسأل الله ان يجعله في ميزان حسناتك

من غير ما تشكر يا سيد سليمان.....
الشكر في جيبه مش منك والا من غيرك ... واحد من اللي يبيع في الليبيين للاسترال مع واحد اردني . والا صدقتوا فعلا انه راجل خدوم ويجيب في قبول ببلاش عشت في استراليا وجربت وشوفت والله الغلا اللي فيها ما يخلي الواحد يشوف حتى جاره .... عموما راح تتورطوا هنا لانكم تحصلو على قبولات في جامعات مركزية والمناطق غالية جدا والمكافاة ماراح تكفي والا يا دوبك
والانتقال ما تحلم بيه مهما كانت الظروف لانهم عطوا فلوس على كل راس منكم وماراح تحولوا الا بالغاء التاشيرة والرجوع لما كنتم عليه
اللي ولى من نص الطريق خير من اخره

السلام عليكم ورحمة الله :-
أنا شـاب ليبيي متحصل علي افاد لاستراليا الرجاء التكرم لمن يستطيع المساعدة بالحصول علي قبول لغة وأكاديمي من كيوزلند. بارك الله فيكم .
والسلام عليكم

السلام عليكم خوتبي الليبين
و الله نبي نسأل علي جامعة BOND شني رايكم فاها ؟؟؟

وبالتحديد محمد الامير

فى البداية انت مشكور على الخدمات الى تقدم فيها للطلبة,

تحية لكل الطلبة وموفقين ان شاء الله

السلام عليكم طاالب الغد لخدمات التعليم
اود ان اذكرك ان الاخ المحترم محمد الامير هو احد الطلبه المقيمين في استراليا وهو شخص ما يقصر ومشكور

يعني انت لك الحق في ابداء رأيك ولكن ليس بهذه الطريقه
وبعدين الاخوه في استراليا حتى ولو ياخذو في نسبه من الجامعه مش احسن انهم ياخذوا افلوس من الطالب المسكين وياخذوا حتى من الجامعه يعني بصدق كلنا عارفين المبالغ اللي ياخذن فيهن المكاتب من الطلبه بحجة ان الجامعه لا تقوم بالاطلاع على الطلب دون دفع المبلغ
والطالب مسكين يبي قبول وخلاص بينما اغلب الجامعات لا تقوم بأخذ ذلك المبلغ الذي يدفعه الطالب وخاصة اذا كان قبول لغه

المهم تعليقك على الموضوع مش تعليق شخص يريد الافاده انما تعليق شخص يريد ان يلفت النظر ناحيته او او يبحث عن مصلحته على حساب
حساب مصالح الغير والمنتدى هذا فقط للافاده والاستفاده وليس للمصاالح الشخصيه[b]

السلام عليكم طالب المسقبل
أنا القبولات اللي نجيب فيها للطلاب الليبيين مجانا 100% الا اذا الجامعه تشترط في رسوم عندالتقديم .
,وانت اصلاً من جاء شورك ومن كلمك , لاحول ولا قوه الا بالله
القبولات تعطي مجانا من الجامعات و تصل الى الطالب مجانا و مش ب 250 دينار ليبي لقبول اللغه
أترك التعليق لاعضاء هذا المنتدى
السلام عليكم

انا راسلتك عبرالرسائل الخاصة و نبي قبول في ملبورن عموما عنبعتلك ايميلي في رسالة خاصة

السلام عليكم جميعا

اريد ان اعرف بنفسى اولا:
الاسم: طالب الغد ليبى من طرابلس
خريج ماجستير فى تقنية المعلومات من جامعة نيو ساوث ويلز استراليا سيدنى وعلى حسابى الخاص

بالنسبة لرسوم التسجيل فان بعض الجامعات وبالخصوص المعروفة فانها تتطلب هذه الرسوم, بالاضافة الى انه يجب على الطالب دفع بعض الرسوم للحصول على القبول, لماذا؟
1- للتأكد من جدية طلب المعنى
2-عندما يقوم الطالب بدفع مبلغ رمزى فانه سوف يقوم بالتحرى عن المكان الذى سيدرس فيه لانه دفع وليس الحال عندما ياتيه القبول مجانى.
3-من خلال خبرتنا فى هذا المجال, وبالخصوص مع الطلبة من ليبيا فانه بعد انجاز 100 قبول وتاجيلهم اكثر من مرة, فى الاخر كان جو ودرسوا 8 منهم يكون جيد.
4-الطالب يتحصل على كفالة تامة من الدولة من حيث الدراسة وغيرها, فما الضير اذا دفع الطالب للحصول على قبول فى جامعة مرموقة.
5-بلادنا وماشاء الله كثيرة التغيرات, على سبيل المثال القرار الى طبقوه بمنع كل الوكالات. فما فائدة القبول والخدمات المجانية فى هذه الحالة؟
6-نحن أصحاب الشركات عندنا مصاريف كثيرة يجب تغطيتها, وليس كمن يعمل من بيته.
7-المكتب الخدمى لايوفر القبول فحسب بل يعطى النصيحة ويوضح الصورة للطالب.

ملاحظة: بخصوص القرار الجديد بمنع الوكالات انا اقترح بان نكون موضوع جديد بالخصوص ونشوفو ردة فعل الطلبة وغيرهم من القرار.

مع التوفيق للجميع

طالب الغد

اولا نذكر ان اسم المنتدى منتدى الطلبه الليبيين في استراليا وليس منتدى الشركات اللي تاخذ في فلوس من طلبة استراليا
وثانيا اذا انت صاحب شركه وتعمل علي حالك لا اداعي لابداء الاراء في شغل الاخرين
لكل منكم طريقته والطالب ادرى بمصلحته ليش تضيف تعليقات غير حضاريه هذا التعليق مثلا (لاكن ماتتعديش انك ادير فيها لله)

انت صاحب شركه مفروض تكون ولد سوق مش عشوائي بدون تخطيط تقول اي كلام وبعدين الشركه اكيد لها اداره خاصه للتسويق مش مش اداره خاصه للتعدي على اشغال الغير

وعندي سؤال واحد نبي منك ترد عليه وبصدق لو الطالب قدم علي قبول لغه واكاديمي وماصار شي منهن والا ماصار شي من الاكاديمي
الفلوس يردن والا يحملها الطالب المسكين
وكيف تدير في دعايه لوكالتك او شركتك وفي قرار بايقاف الوكالات والا نوع جديد من المصداقيه
بينما لم يتم ايقاف الاخوه مثل محمد الامير يعني لاوجه مقارنه وخليك في اللي يخصك لاداعي للضرر بالغير

وبعدين هذا المنتدى اساسا مش منتدى تجاري للدعايه للشركات