مهم جدا جدا من مصراتة تم القبض علي قناصين تبين أنهم إمرأتان من كولومبيا

لا حول ولا قوة الا بالله العلي العظيم. صدق صدام حسين الي قال "هاي هيا المرجلة عندكم؟" هذي اخرتها يمشي يجيب نساء يدافعن عنه ويتحاما بيهن.
هو طبعا مش غريبة عليه, الحرس امتاعه اغلبهن نساء بس المرة هذي جابهن من كولومبيا الله اعلم بيهن اذا كانن فتيات ليل او من الملاجأ. اخسارة يا التريس وخلاص.

كنت اتوقع ان اجد تحقيق مع النساء القناصات وووو الخ يالله حاله ..مزال غير اتقولوا القدافي جابلنا ياجوج وماجوج ..قالوا طيارين سوريين وشدوهم في بني غازي ومارينا شيء ..قالوا جزايريه ومارينا شيء .. قالوا قناصات كولمبات ومهناك شيء واحد شاد تلفون ويهدرز .. داروة كلام واقعي ونزل حتى موضوع في المنتدى.. ..يالله خراف

موضوع مطعون في مصداقيته لانه يفتقر الى الدليل...

تبي الدليل صوت وصورة برا لمصراته وإلاالزاويةأوالزنتان أو إجدابيا أو بنغازي أو................ وعندها إن شاءالله تصدق وتكون مصداقية هدا الخبر100%

شهاب كتب: كنت اتوقع ان اجد تحقيق مع النساء القناصات وووو الخ يالله حاله ..مزال غير اتقولوا القدافي جابلنا ياجوج وماجوج ..قالوا طيارين سوريين وشدوهم في بني غازي ومارينا شيء ..قالوا جزايريه ومارينا شيء .. قالوا قناصات كولمبات ومهناك شيء واحد شاد تلفون ويهدرز .. داروة كلام واقعي ونزل حتى موضوع في المنتدى.. ..يالله خراف

موضوع مطعون في مصداقيته لانه يفتقر الى الدليل...

ياشهاب
اللي قصف شعبه بالطيارات والمدفعيه ( والا عندك فيها شك)
واللي جابلهم مرتزقه افارقه ( والا عندك فيها شك) وارسل ابنه لاسرائيل للمساعده( والا عندك فيها شك)
واللي هدد ان امان اسرائيل في خطر بدونه ( والا عندك فيها شك)
واللي قالها نصا انه شعوب افريقيا ( على قوله) وامريكا واسيا ستحارب معي

اي شي توقعه منه واكيد موضوع الكولومبيات اكيد لان كولومبيا معناها حشييش ومافيات وحاجات موش كويسه وهذا يدور وين الحاجه اللي موش كويسه ويمشيلها

المهم انت دوختنا معاش عرفنا اميتك وين تصب

مره طزفي معمر وعاشت ليبيا من راس اجدير للسلوم ( مع ان السلوم في مصر) لكن مش مشكله
ومره معمر برئ
والله المؤيدين انا مسنغرب كيف مقتنعين بانفسهم

ولكن العمى هو عمى القلوب

من قال ان الطاغيه برئ انتا ياصاحب البصيرة من قالها ..انا اعلم جيدا انه دموي والحمد الله الحقائق على ارض الواقع لاتقبل الشك من اراقه دم الليبيين والفتك بهم. ولن يذهب هدر ان شاء الله فهذا هو العد التنازلي ان شاء الله لنهايه 42 ونهايه الطاغيه من قبلها .. ولاكن الحق وين الفيديوات ..الثوار قالوا امسكوا طيارين سوريين وهم تحت التحقيق وووو الخ والقترة القادمه سوف نأتي بتسجيل لهم ..وينهم راحوا معاش فيه كلام عليهم ...ومرة جزايريه ..حتى هما راحوا معاش في كلام عليهم ..وتو كولومبيا ...وكولمبيات ...باهي وين الدليل اعطيني الدليل انا انقولك القدافي ايدير اكبر منها صح مانختلفش معاك ..لاكن انتا وين تنقل خير وتعرضه كموضوع لابدة ان ايكون مستوفي الشروط واهمها الدليل القاطع مش واحد ايهدرز وايصور بالهاتف ..يعني لو قال اللقينا قناصه فرنسيين هل كنتوا اتصدقوة ....انا تو نعرضلك فيديوا نفس هدا الفيديو وانقول فيه تم القبض على قناصه فرنسيين ..مصداقيه النقل ياامفتح بس وانتا فاهم مانقصد ..

وبالنسبه لقصه اميتي وين اتصب انا قلتها 1000 مرة طز في القدافي الكلب ومع بلادي ولو قررتم الخروج منددين انا اول من يخرج معكم حياتي كلها لم اصفق لهدا الكلب حياتي كلها لم ارفع يدي هاتفا له منذ ان كنت طفلا ..فمبالك الان وسيناريوا القتل والدمار يتجسد في بلادي بيد هذا الكلب واعوانه

لاداعي لرؤية وجوه المرتزقه الذين جاء بهم المدمر لقتل اهلنا
فنحن نعرف ان لديه طيارين من سوريا والجزائر و اوربا الشرقيه منذ كنا صغار
فهو لايثق في اي ليبي ولهذا دمر الجيش الليبي وسلح كتائبه
واي حد عنده قريب رتبه عسكريه يعرف هذا الشئ
وربي يورينا فيه يوم
هالمدمر الكذابي هو وعصابته