أسود مصراته 24/02/2011

والله انهم اسود
الله يرحمهم
شهدائنا في الجنة وكلابه في النار

ادعوا يااخوان اليوم القصف المتوعد به من الكلاب علي مصراته بعد صلاة الجمعة النصر لنا ان شاء الله
الخونه تحيط بمصراته من امتال تاورغاء وزليتن وبني وليد ادعوا الله ان يحمينا منهم وتنتصر بلادي من الطغاة الله اكبر الله اكبر
الدعاء الدعاء الدعاء
يابنغازي الغرب محتاجة ليكم ساندونا الله اكبر علي الطغاة والخونه

انما النصر صبر ساعه وقد حانت ساعة النصر اخوتي

بنت مصراته كتب:ادعوا يااخوان اليوم القصف المتوعد به من الكلاب علي مصراته بعد صلاة الجمعة النصر لنا ان شاء الله
الخونه تحيط بمصراته من امتال تاورغاء وزليتن وبني وليد ادعوا الله ان يحمينا منهم وتنتصر بلادي من الطغاة الله اكبر الله اكبر
الدعاء الدعاء الدعاء
يابنغازي الغرب محتاجة ليكم ساندونا الله اكبر علي الطغاة والخونه

يابنت مصراته اريد ان ارجع بك قليلا الي سنه 93 و94 اذا كنت في تلك الفترة تلمين بالاحداث عندما قصفت بني وليد وتعرضت الى اعتى اطهاد القدافي وجبروته بقطع التموين والمرتبات جميع سياساته القمعيه مارسها علينا بقوة دون رحمة دمر بيوتنا وهي الى الان لازالت تشهد على ذلك وذلك بابقائها مهدمه الى الان لتبقى عبرة لمن يعتبر وقتل من ابنائنا ماقتل بالاعدام وبالرصاص الحي في الساحات العامه في بني وليد واختفى منهم من اختفى ولم نعرف له مصير ووصفنا بالخونه والعملاء في كل ليبيا واولها الجيران كانوا اكبر من تشمت بنا لما أل اليه حالنا ف تلك الفترة ولم نجد في تلك الفترة من ساندنا ووقف معنا اين كنتم يامصراته تلك الفترة لم نجد منكم الا ابيات الشعر التى تصفوننا بها بالخونه والان ايضا تريدون ان تصفوننا بالخونه .. لقد خرج شبابناا في مسيرات عديدة وحرقوا المتابه ومزقوا صور الطاغيه وقمعوا وفرقوا بالرصاص الحي للعديد من المرات .واريد ان انبهك الى شيء الحاشيه او خلينى انقولها بلهجتنا اللقاقه في كل مكان موجودون في مصراته وفي بني وليد ولاكنهم لايمتلون اهل البلاد لكي تصفين البلاد كلها بالخونه فهي ليست الا زمرة معينه اللجان الثوريه واتباعهم مهما كان فالحمد الله تاريخنا معروف لدى الجميع واولهم انتم يامصراته اكتر من يعرف بني وليد بحكم الجيرة التى بيننا وبينكم ..ولذلك اختى الفاضله ارجوا منك عدم التريث وعدم كتابته مايثير الفتنه فكلنا نعاني من هذا الطاغيه وكلنا في حال واحد فنحن لانرضى بارقه الدم في مكان فبني غازي ومصراته اهلنا واصهار واخوال للاولادنا ونحن اخوال للاولادهم ناهيك عن لدينا الكتير من ورفله يسكنون في مصراته
والكثير منهم ايضاء في بني غازي ..ارجوك رجاء خاص عدم الابتعاد عن زرع مثل هذة البدور فكلنا في خندق واحد من طبرق الى راس اجدير وكلنا ابناء وطن واحد ..اسئل الله ان يعجل بفرجه علينا ويحفظ بلادنا من الفتن ويوحد صفوفنااا في وجه من عادانا

اخي الكريم استسمحك عذرا ان فهمت قصدي خطأ ويعلم الله اني لا اقصد الفتنه
ولكن الاكتر صرح بعدم القتال ويصرحون علنا بانهم مع القردافي
وما اتمناه ان يوحد الشعب الليبي صفه لانه ووردت انباء بانهم سيسمحون بمرور الطغاة الي مصراته
ولعلمك ان بعض المشايخ قالت بالحرف الواحد معاك ياقردافي حتي الموت
واريد ان انبهك الى شيء الحاشيه او خلينى انقولها بلهجتنا اللقاقه في كل مكان موجودون في مصراته وفي بني وليد ولاكنهم لايمتلون اهل البلاد لكي تصفين البلاد كلها بالخونه فهي ليست الا زمرة معينه اللجان الثوريه واتباعهم وانا ايضا قلت ان تاورغاء ايضا وهي محسوبه مع مصراته
والمهم توه اخي الكريم ان نوحد صفوفنا المتشتته و ان شاء الله النصر علي كل خائن ومعتدي والاعوان
النصر لنا ان شاء الله

الله اكبر
والله معنا ان شاء الله والنصر قريب باذن الله

بارك الله فيك في اصلك الطيب

صدقيني اختى لاتستمعي الى مثل هذة الشائعات ففأنا الان موجود في بني وليد ولاشيء من هذا الكلام لان مشايخنا لن يقدموا على شيء مثل هذا منافي للدين والعرف وهؤلاء مشايخ واى تصرف محسوب عليهم امام الله ومن ثم امام خلقه وان جازت وفعلوها فوالله لن نرضى بهذا ان نحمل السلاح على من يقول لا اله الا الله محمد رسول الله .. على جيراننا واهلنا على خاطر من.. هذا الطاغيه نزعه الله ...صدقيني هذا اشبه بالخيال . ولاتنسي ان مصراته تحتضن الكثير من ورفله في طمينه وفي الكراريم وكرزاز والله بأذن الله لن يسمحوا بأي تطاول على مصراته ... فالحمد الله مصراته الان حرة وسلاحها في يدها فهل يتجراء هذا الاخرق واتباعه عليها الان ..نحن شرفاء ورجال ورفله وليس اللقاقه اللحاسه معك يامصراته معاك ياليبيا من الشرق الى الغرب ولن نتهاون في نصر ثورة شباب ليبيا لن نتهاون في طلب واسترداد حقوقنا وكرامتنا المنهوبه منذ 41 عام ..اسئل الله ان يوحد صفوفنا ويجمع شملنا ضدة وطززز في الطاغيه المتفرعن مجنون العظمه معاااااااااااا يدااااااا واحدة ضد الطاغيه السفاح واتباعه اللقاقه اشباه الرجال

كلنا يدا واحدة ، من الشمال الي الجنوب ، ومن الشرق الي الغرب ، نحن أبناء دين وحد ، وطن واحد ، عقيدة واحدة ،،، لن يفتتنا الفاتنون ، ولن يثني عزيمتنا البلطجية المرتزقة الفاسدون ، تحيا بني غازي ، تحيا مصراته ، تحيا بني وليد ، تحيا طرابلس الشامخة ، تحيا الزاوية ، تحيا الزنتان ، يحيا الجنوب ، تحيا كل بقعة من بلادنا العزيز الغالي ، وليذهب القرذافي الي الجحيم
*********************
الي الامام ، عاشت ثورة 17 فبراير.

طيار فلسطيني يهبط بطائرته العمودية في مطار الكلية الجوية مصراتة - ويسلم نفسه للمتظاهرين

اخوتي الكرام لايفوتكم هذا المنظر والله امامه تبكي الدموع
شوفوا ليبيا الغد عود في عين الحساد
الله اكبروالحمدلله
[ندعوك للتسجيل في المنتدى أو التعريف بنفسك لمعاينة هذا الرابط]
صلاه الجمعة ببنغازي وطرابلس

كل ليبي حر شريف
يرقض الفتنة
يقول
احبك ياليبيا
وسوف اظل الى ان اموت
اهتف
الله
وليبيا
ومعمر وبس

غلط يافضييييييييل بن عمررررررر ((( على اسم الكتيبة اللى ذبحت الشعب الليبي )) شكللهم مش مدرسينك كويس حي عليك رد باااااااالك مش هكي الهتاف
الهتاف ليبيا بعد معمر
يعني يافهيييييم تقول الله معمر وليبيا وبس هكي ذيول معمر يهتفو


ربي ينصر الشعب عليه المجرم

انا حر
ومعمر اعطاني الحرية
واختار ما اريدة
وانا احب ليبيا اكتر من معمر
لان معمر سوف يموت يوما ما ويبقى مجدا عظيما
ولذلك انا اخترت هتافي
الله العظيم الجليل
ليبيا وطنى الحبيب الغالي
معمر القائد الرمز اللي حرر ليبيا وسيبقى حبه في قلبي للابد
حتى لو مات الان فساظل احبة
لان اهلي علموني الوفاء ولن انكر جميلة حتى لو اخطاء
فكلنا بشر وكلنا نخطئ

لا على اسم المجاهد الفضيل ابوعمر الاوجلي
رفيق شيخ الشهداء في الجهاد ضد الطليان

عاجل : طرابلس
# حشود من المتظاهرين في طرابلس تخرج من مساجد طرابلس بعد صلاة الجمعة في اتجاه ميدان الشهداء ( الساحة الخضراء )
# قوات الامن تقابلها بالقنابل المسيلة للدموع وبالرصاص الحي امام الصحفيين الاجانب الذين تم ترحليهم من قبل قوات الامن في حافلات من وسط طرابلس ومنعم من التصوير .
# التظاهرات في طرابلس شارك... فيها بعض النساء .
% قوات الامن يعتقل بعض المتظاهرين ومن بينهم امرأة ليبية

امعمر ما عنداش اذيول
معمر عندة ارجال وفرسان وضنا بيتية يحموا ليبيا من
الامريكان والعملاء والمتطرفين والمتطرفين دينيا
وخريجي الحبوس ( خاصة حبس الكويفية اللي هربوا منه 1500 مجرم في بنغازي ).
وهولاء الرجال متوكلين على الله من اجل صد كل فتان ملعون علية لعنة الله وسبب في سفك الدماء
وسوف تراهم يوم ايجد الجد شنوا ايديروا هولاء الرجال
في اذيولالامريكان وخريجي الحبوس

شهود عيان : كتيبة خميس القرد افي تفرغ مصرف ليبيا المركزي من محتوياته

الفضيل ابوعمر كتب:امعمر ما عنداش اذيول
معمر عندة ارجال وفرسان وضنا بيتية يحموا ليبيا من
الامريكان والعملاء والمتطرفين والمتطرفين دينيا
وخريجي الحبوس ( خاصة حبس الكويفية اللي هربوا منه 1500 مجرم في بنغازي ).
وهولاء الرجال متوكلين على الله من اجل صد كل فتان ملعون علية لعنة الله وسبب في سفك الدماء
وسوف تراهم يوم ايجد الجد شنوا ايديروا هولاء الرجال
في اذيولالامريكان وخريجي الحبوس

صريح تي والله نفس اسلوب سفاحك المجرم
التهديد
تي بالله عليك هذا قتل نفوس مؤمنة عارف شنو مؤمنة
كانه قتل الناس جميعا وحرمت عليه الجنة
وانتوا يا عملاء شن شفنا منك غير التحصن في سراديب تحت الارض ويكفي ان حياتكم كلها عايشنها رعب في رعب
لانكم ظلام وطاغين

تجمع عشرات الالاف من الليبيين في مدينة بنغازي التي وقعت تحت سيطرة المتظاهرين حيث تمكن ائتلاف يدير مدينة بنغازي الليبية التي يسيطر عليها المحتجون من ملء الفراغ السياسي

السلام عليكم
اخواني الكرام تتالى الاعتداءات التي يقيمها الطغاه علي مصراته وكل يوم قتلي فيها حيت يوم امس فقد تم تشييع جنازة الشهداء بعد صلاة الجمعه مباشرة وعددهم حوالي 22 وقد حظرها المصلين وفاق عددهم المئات بقلوب صابرة وذلك بعد تصديهم لكتيبة خميس وهم اغلبهم من منطقة الحزام وكرزاز الله يرحمهم ويجعل مثواهم الجنه ويا اخواني مصراته محاصرة الان من نفس الكتيبة ادعوا الله النصر القريب وردع كل الطغاه
ليبيا الحرة قريبا باذن الله

عاجل المنارة الخمس : أفادت أخبار ورادة من مدينة الخمس هذه الليلة بقيام الثوار في مدينة الخمس باقتحام القاعدة البحرية وقوبل بالنار وسقط العديد من الشهداء وما زال المواجهات مستمرة جتي الان