ارسلها للمكتب الشعبي

من حقنا المطالبة بزيادة المنحة
ويجب ايضا على كل طالب ارسال ايميل للمكتب الشعبي يطالب فيها بزيادة المنحة على ان يكون يوم الاربعاء الموافق 09/02/2011 الساعة التاسعة كلا حسب توقيتة هو يوم الارسال
فعلي جميع الطلبة المشاركة وعدم السلبية لان الموضوع يخص الجميع والموضوع ليس للاطلاع فقط
توحيد المراسلة في النص الاتي
االاخ السفير الاخ القنصل الاخ الدكتور الخبير التعليمي نحن ابنائكم وكلنا ابناء ثورة الفاتح العظيم نطلب منكم التدخل السريع بالفعل وليس بالقول او الاوراق ومخاطبة جميع الجهات العاليا في ووطننا وارسال صورة من جميع المراسلات وادرجها في المنتدى او ارسالها عبر ايميلات الطلبة حتى يكون الطالب على علم بكل شي
ابناءكم الطلبة والطالبات

ارسلها الى
[ندعوك للتسجيل في المنتدى أو التعريف بنفسك لمعاينة هذا الرابط]
شكرا لمن ساهم معنا وللموضوع بقية

السلام عليكم
نحن هنا في ليبيا ولكن نؤكد باننا سنشارك معكم ونرسل الى هذه الجهات وايضا سنرسل حتى الى اللجنه الشعبيه العامه
وامانه التعليم العالى , والله ولى التوفيق

مشكور اخي على هذا الاقتراح الجيد نأمل من الجميع التضامن

نحن كلنا نعرف بان الجميع لديهم علم ولكن لم يراسلهم احد فقط عليك ارسالة الرسالة اذا اردتي في الموعد المحدد فقط
والباقي على الله

تم ارسال لجميع الطلبة ايميل بخصوص مراسلة المكتب الشعبي
سوف تجد الايميل في السبام spam

الى الاخ مدير المنتدى امل منك وضع هذا الموضوع مكان وكلات البزنسة ولاتقف موقف سلبي لان المصلحة تعم على الجميع هذا المطلوب من فقط

ROSE كتب:

هل تعتقد أن فيه جدوي ؟؟؟!!!
أعتقد بأن المكتب الشعبي علي علم بما نعانيه من غلاء في المعيشه والسكن وعدم قدرتنا علي تسجيل أولادنا في الحضانات ولكن لا حياة لمن تنادي

الاخت الكريمة رزو,, المكتب الشعبي على علم هذا شئ مفروغ منه, لكن ليس لديهم صلاحيات التغيير فماهم الا موظفين في هذا المكتب. وحتى ولو ان لديهم صلاحيات فزي ما يقول المثل الشعبي ما ايحس النار الا واطيها والمثل القائل "الشبعان ايفت للجيعان فتأ بطي". فمثل هذه الرسائل من شأنها حثهم على مخاطبة المسؤولين في ليبيا. اتمنى ان تكون رسالتي وصلت. انتهى.

ارسلها الى 10 شخص وستسمع خبر حلو الليلة .............

شكى كان حليبك رايب وصبيلك طاسة للشايب ... كلام فاضي ومضيعة للوقت . من رأي منكم منكرا فليغيره بيده فإن لم يستطع فبلسانه فإن لم يستطع فبقلبه ، وذلك أضعف الإيمان ،، واقتراحك هذا اضعف الايمان لايغنى ولايسمن من جوع زي الى يحرث في البحر .... نبو وقفة جدية واعتصام قدام المكتب الشعبي حتى تصنيف الساحة الاسترالية علي التصنيف الخامس اسوة بالمكتب الشعبي .

وسع بالك يا عرجون يا راجل, اتهد على من؟ الكلام راهو اخذ وعطا. انت بتربشلنا على تسكيرة الشيشمة ولزة من استراليا بيش تكمل عاد. قال انهدو عليهم قال ههههههههههههههههههه ردوا بالكم يا جماعة راكم تاخذوا الموضوع جديات. هوا اكيد ما يقصدش راهو. وانت يا سيد عرجون الله ايربحك فكنا من الاباري وخلينا نخدموا على حالنا.

عبدالله العريبي كتب:وسع بالك يا عرجون يا راجل, اتهد على من؟ الكلام راهو اخذ وعطا. انت بتربشلنا على تسكيرة الشيشمة ولزة من استراليا بيش تكمل عاد. قال انهدو عليهم قال ههههههههههههههههههه ردوا بالكم يا جماعة راكم تاخذوا الموضوع جديات. هوا اكيد ما يقصدش راهو. وانت يا سيد عرجون الله ايربحك فكنا من الاباري وخلينا نخدموا على حالنا.

338-1=337 ... برا تحت الشيشمة واخدم على حالك مش شورك الدوة ، الموضوع جديات ونبي معاي 50 تراس اقل شي .

والله لما يصير فيها الجديات خوفي الا نشوفوك امسيب شلايكك وراك يا بلعوط. قال جديات وتراس هههههههههههههه حاسب روحك منهم التراسه انت يا فاشل؟ انت شكلك واحد فاشل وتبي اتخرب علينا وانا عن نفسي بريئ مما تدعيه براءة الذئب من دم يوسف.

قول اسمك و وين تقرا كانك راجل يا عريجين

ماهذي هي العيبة توا. هنا يبان كانهو تراس فعلا توا يقول وين يقرا واسمه الحقيقي. لكن والله ما خطمت من يالاه التتريسة. هذا الباين انه فشل وعارف روحه امروح امروح يقولك خليني انخرب الجماعة. يعني هي خاربة خاربة خليني انهنتكها وراي ونطلع. كان غيرك اشطر يا نص عرجون.

عيب عليك والله انبصرو معاك وانا تلقانى قبلك ان شاء الله

والله انا خايف ان القضية اتضيع وتستهزب في شخصك انك يا سيد عرجون. موضوع زي هذا يبي ناس مثقفين و ضنا بيتيه وانت واضح من خلال اسلوبك السوقي انك ابعد ماتكون عن هذه الصفات النبيلة. يعني هذا محك يبي رجالة بمعنى الكلمة وايناضلوا من اجل القضية في وضح النهار. انا عن نفسي والله لو بيعطوني مليون كمرتب شهري والله حتى ايحطوني رئيس الغرفة التجارية الاسترالية بفضل واحد امسمي روحة عرجون ما ايشرفني ولا انديرها حاجة زي هذي. عقاب النهار نقعد نمشي ورا عرجين وشراشيط هذا الي كان ناقص والله.

338-1=337 ... برا تحت الشيشمة واخدم على حالك مش شورك الدوة ، الموضوع جديات ونبي معاي 50 تراس اقل شي .[/quote]

انت هنا فى منتدى محترم

يجب ان تحترم نفسك والا سيتم قرصنة عضويتك وبريدك الكترونى ونمنعك من دخول المنتدى

لالالا يا عرجون ريحنا ياراجل

ردوا بالكم ياجماعه راهوا ما يخسروا عليكم شي الايبعثولكم 3 طيارات والا اعتقد اثنين يشيلنكم
والافريقيه اخرى

لالا خلونا نحقوها استراليا قبل هههههههههههههههههههه قال هدوا قال

حقنا موش رايح قاعد توه يجي بس موش بالهمجيه
نحن امل واساس ليبيا الغد ا لمفروض نكونوا نموذج في النظام وليس الهمجيه
نهدوا على من في المكتب الشعبي ................... المكتب الشعبي شاط ريقهم ويعيطوا مع الطلبة يبوا ها المشكله تنحل يعني هذا جزاء حسن المعامله

ريح روحك غير هنيني الهم اللي عندي يكفيني يا عرجون العراجيني