كيف تتم اجرأت تغيير الساحة الدراسية

من طرف naser salem السبت ديسمبر 25, 2010 5:42 pm

السلام عليكم ارجو من اخوتنا من قام بتغيير الساحة الدراسية او لديه معلومة عن كيف تتم الاجرأت ان يوظح لنا ليستفيد منه اخوتنا الطلبة وشكرا

من طرف naser salem الأحد ديسمبر 26, 2010 10:58 am

اين التعليقات وشكرا ؟ bounce

من طرف naser salem الإثنين ديسمبر 27, 2010 2:23 pm

ارحو الرد ممن لديه تجربة وشكرا

السلام عليكم اخي الكريم,,

طبعا قبل كل شي لازم اتسكر ملفك في الدولة الي كنت فيهابحيث ان الحسابة معش تحسب. طبعا رسالة اقفال الملف الاصلية حيبعثها المكتب الشعبي في بلدك الحالي مباشرة الي مشرف الساحة في ادارة البعثات الدراسية. حيبعثوا رسالتين وحده تفيد بأنك سكرت ملفك والاخرى فيها قائمة بما تم صرفه عليك اثناء تواجدك في الساحة الحالية.
لما ترجع لليبيا اتقدم طلب لمدير ادارة البعثات وتذكر في سبب التغيير. بعدين هوا وراية, يعني اذا وافق ع التغيير معناهابتاخذ رسالة دعم مالي لغرض القبول و اتجيب بيهاقبول اكاديمي غير مشروط من دولة ثانية. وتاخذ كذلك رسالة دعم مالي ثانية لغرض التاشيرة واتجيب بيها تأشيرة الدخول (اذا كان الدولة الي بتمشيلهاتطلب في تأشيرة). بعدين اتلم الوريقات هذين في ملف واتقدم على تفويض النقل امتاعك ياباشا. لما يطلع التفويض حيعطوك رسالتين وحده تحتفظ بيها والاخري اتشيلها للبعثات من جديد بيش يعطوك بناء عليها برقية بداية صرف. وبعد هكي اتقدم علي تذاكرك زي ما درت في المرة الي فاتت ولما يطلعن التذاكر تاخذ شناطيك وتسقد للمطار. وبالنسبة للمده الي يستغرقها موضوع التغيير كله يعتمد على معارفك وعلاقاتك بجماعة البعثات. يعني لو عندك اشوي واسطة حتمشي امورك كيك ان شاء الله والموضوع مش حياخذ منك شهرين. بس اذا ماعندك معارف جوة معناها بتشوفلك سكن للايجار قريب من ادارة البعثات وتسكنلهم بيش ما اتعطلش روحك.
ان شاء الله نكون افدتك ولو فيه اي شي بتسأل عليه انا في الخدمة.

كيف تتم اجرأت تغيير الساحة الدراسية

كيف تتم اجرأت تغيير الساحة الدراسية

رد: كيف تتم اجرأت تغيير الساحة الدراسية

رد: كيف تتم اجرأت تغيير الساحة الدراسية

رد: كيف تتم اجرأت تغيير الساحة الدراسية