عزيز غيبته

للشاعر المبدع والمتالق
محمد بوسته

عزيز غيبته موش برضاي
ولا قعدته فى اقصادي
عزيز غيبته قلة هناي
بلا حيل منها اندادي
عزيز غيبته شلت قواي
كميت مرها فى افادي
بلاه ناخد الليل بكاي
من الدمع لين راوى اوسادي
ان كان ماجرا فيه لاماي
يبقا أسباب طيحة اسعادي
للدار دوم جبر مشاي
وهو دوم واخد البادي
بهن ضرنى فى أملاقاي
مهاليع سود وعوادي
غزال بر فى دوج هتاي
هميل فى نواجع أبوادي
على جار مادار لاناي
غلاه شالنى سيل وادي
يا ضوايقي هى يا داي
إنموج كيف الطير الافرادي
إفطامى بلا نزر وزاي
نسفاه جاى وإيرد غادي
حتى انكان مافرع إرداي
أوقات غر و الصيد عادي
الياس ماحكم فيه طراي
إنجاع يرتمى عالسدادي
لنا اسنين ما عندنا راي
اتقول نقلعوا فى مسادي
الخاطر بلا عون ذراي
على شان ريم الجلادي
بلا امعافره جن حوايي
يان كان غير حاشن اذوادي
ايام قبل كان حماي
الا اليوم ضالع جوادي
كبير عرف ما ايعوز وصاي
الى عليه ديما اعدادي
هو ملودى هو امشكاي
انجيه وين جور نكادي
ومازال وطننا خير عطاي
ايجيب فى اصحاب المبادي
ونا عزيز مزال مسعاي
من الكبر لين نبقا انحاذي
توقيع »