مفتاح الدراسة السريرية لطلبة الطب في أستراليا

االسلام عليكم

سؤالي بإختصار شديد , هل هناك من تتجاوز إمتحان المعادلة الأسترالية بجزأيه الأول والثاني ؟؟؟؟؟

أرج من الذين لديهم معلومات بهذا الخصوص أن يردوا عليا مشكورين

أسأل الله التوفيق للجميع والسلام عليكم .

السلام عليكم
ما سمعتش ان طبيب ليبي اجتاز او دخل الامتحان الثاني لكن
مش مهم انك تجتاز الامتحانات المهم انك تلقا من يقبلك لان اغلب المستشفيات طالعين بغناوة ان لازم يكون عندك local experience بجانب اجتياز الامتحانات و هذا من واقع خبرة شخصية

السلام عليكم

باهي د-شنين وال local experience هذه قداش سنة يبوها ؟؟؟وكيف بتندار اصلا ؟؟ والله الا حاجة متعبة فعلا ....ومن حكم دراستك غادي شن رايك بالساحة الالمانية ؟؟؟ اي بمعني لو انك لا زلت في ليبيا الا زلت تختار استراليا ؟؟؟

السلام عليكم
المشكلة مش في المدة ان شاء الله حتي 6 شهور المهم ان تكون خدمتهن في استراليا
و قد سالتهم مرة كيف يمكن ان نتحصل علي خبرة الشغل في استراليا اذا كان مافي حد راضي يشغلني او يعطيني فرصة لكن لم اتلقي اي جواب مباشر لكن قالولي يمكن تجرب دور علي مكان يقبل يعطيك اتاتشمنت لمدة معينة بعدين قدم و انت حظك يعترفوا بيها هذه المدة كخبرة شغل في استراليا او لا.
وطبعا بتلف علي روساء الاقسام في كل المستشفيات واحد واحد و تسال انهم يعطوك مكان اتاتشمنت ,لكن حتي الاتاتشمنت مش سهل يعطوهلك مع انك مش حاتدير شئ خلال فترة الاتاتشمنت بتتفرج بس, الهنود و الصينين و اكلين السوق .

السلام عليكم

حل هذه المسألة هو العمل التطوعي يعني تعمل بدون مقابل ويسمي بالانجليزي Volunteer work وبهذا تكون قد اكتسبت الخبرة الكافية وفي نفس الوقت تحصلت على شهادة خبرة وبعون الله سوف تمشي الامور المهم عند قيامك بالبحث على العمل وضح لهم انك متطوع من الاول

وبالتوفيق للجميع

السلام عليكم
السيد libyan 73 هل يوجد اي احد من الاخوة الاطباء جرب هذه الطريقة وكانت مجدية معه من حيث الاعتراف بها كخبرة محلية؟؟
الاخ د-محمد شنين لم تجبني حضرتك بخصوص تغيير فكرة الدراسة بأستراليا لو كنت ما تزال في ارض الوطن ؟؟هل كنت لتفكر في المانيا مثلا ؟؟؟

السلام عليكم
و الله يا دكتورة المانيا ماكانتش و لا حاتكون خيار بالنسبة ليا لو ربك ما وفقنيش في استراليا

السلام عليكم
يوم الاثنين القادم الموافق 18/10 سيتم دمج جميع مجالس التخصصات الطبية المختلفة في الولايات الاسترالية في مجلس تخصصات واحد يسمي مجلس التخصصات الطبية الاسترالي
بالتوفيق للجميع

السلام عليكم
يا دكتور محمد
مادا يعنى دمج مجالس التخصصات الطبيه؟ وماهى فائدته؟

السلام عليكم
كما تعلمين انه كان لكل ولاية بورد منفصل عن الولاية الاخري لكن الان دمجومهم في بورد استرالي واحد و الفايدة للاطباء الذي يشتغلون في المستشفيات فقط