مزايا ليبية

من طرف bo mgely الخميس أغسطس 05, 2010 4:41 pm

السلام عليكم ورحمة الله وبركاته موضوع كيف تعرف ان هذا ليبي منقول للمتعة

-إذا كان سمعت حد يقول شن الجو, صقع عليك........فهذا بالتأكيد الشخص ليبي
-إذا كان لقيته شاد مكايطة في يد وفي اليد الثانية سبسي ....فهذا بالتأكيد الشخص ليبي
-إذا كان عطاك موعد وجاك بعد ساعة او ساعتين ....فهذا بالتأكيد الشخص ليبي
-إذا كان قالك خمسة دقائق وقعد ساعتين.....فهذا بالتأكيد الشخص ليبي
-إذا كان قالك شبوب والنبي ولعة ...والنبي سبسي....فهذا بالتأكيدالشخص ليبي
-إذا كان لقيت في ايده باكو متكوب عليه رياضي.....فهذا بالتاكيد الشخص ليبي
-وكان قالك شبوب ممكن العكشة......والا تعكشلي...فهذا بالتاكيد الشخص ليبي
-كانك علي شط البحر ولقيت واحد رادم دلاعة علي الشط والا صندوق مشروب .. فهذا بالتاكيد الشخص ليبي
-كان بدي يبي ينكت ....يقولك مرة في واحد ......مع احتراميفهذا بالتاكيد الشخص ليبي
-كان لقيت واحد يقول للبيجو 404 موديل75 عكارية او قلع ....فهذا بالتاكيد الشخص ليبي
-كان بدي يهدرز علي العائلة الكريمة وقالك الشيباني -عليبوه-...والعزيز-علي امه -...فهذا بالتاكيد الشخص ليبي
-كان طقطق عليك واحد من الجيران وقالك تسلم عليك امي وقالتلك حكة طماطم ...ولا حكة زيت ...شوية ملح.....فاعلم إن جيرانك ليبين
-كان لقيت بنية صغيرة تغني عيلة ياعيلة...هذي ماتحكش فيها راسك بكل بالتأكيد ليبية
-كان سالت واحد وقلتله شن اكتر أكلة تحبها وقالك بازين..ولا مكرونة امبكبكة ...فهذا بالتأكيد الشخص ليبي

وأخيرا وليس آخرا افتخر باني ليبي والحمد لله إني جيت ليبي .... وصدق اللي قال كان ماجيتش ليبي راهو فاته الجو كله [ندعوك للتسجيل في المنتدى أو التعريف بنفسك لمعاينة هذه الصورة]

من طرف عيون الخميس أغسطس 05, 2010 9:49 pm

جميل جدااااا بارك الله فيك
وفعلا افتخر اني ليبية..وجدي عمر المختار

مزايا ليبية

مزايا ليبية

رد: مزايا ليبية