انهيت جميع الاجراءات في ليبيا

السلام عليكم

اليوم انهيت جميع الاجراءات بليبيا وحددت موعد السفر ان شاء الله يوم 20/6، كذلك قمت بتغيير التذاكر الي درجة رجال الاعمال على الخطوط الاماراتية، كذلك قمت امس بختم صورة من افادة التخرج المترجمة والمصدقة وكشف الدرجات لدى السفارة الاسترالية بالدور 20 برج الفاتح بناء على طلب الجامعة التي سادرس بها، واخير انا داهب للدراسة بجامعة كارتين بمدينة بيرث بغرب استراليا.

والسلام عليكم

السلام عليكم مبروك يا اخي وعقبالنا اريد ان اسال كم المبلغ المطاب لتغيير التدكرة الي رجال الاعمال

السلام عليكم
ياريت يا جماعه تفيدونا عن تغير التداكر من العاديه الى البزنس اى رجال الاعمال وهل على حسابى ام على حساب البعتات وهل اختيار الموعد بمزاجى
ايضا انا سمعت انه نقدر ناخد اكتر من حقيبه واحده معى على شرط ان لا تتجاوز الحقيبه الواحده 30 كيلو
من فضلكم اخبرون هل ما فهمته صحيح ام يوجد سوء تفاهم

لو سمحتم ممكن تقولولى وين تجى الخزانه بالضبط
ايضا انا نبى نعرف شنو اندير بالضبط بعد ما ينزل اسمى فى التفويض
ارجوكم اشرحو لى مادا افعل

من فضلكم يا جماعه اشرحو لنا ما يجب علينا فعله بالضبط عندما ينزل اسمى فى التفويض
مع وصف الاماكن لانى مش من طرابلس
اوصفو لى اين تقع الخزانه ومكان التداكر وشنو اندير بالضبط
مشكورين جدا

السلام عليكم
اخى الكريم بالنسبة للتذكرة بعد ما تطلع تغيرها انت على حسابك اى تدفع الفرق تقريبا 136 دينار ويتم الغير فى مكتب الخطوط الاماراتية فى برج الفاتح وبالنسبة للموعد يعطوك موعد مفتوح تستطيع ان تحدد الموعد الذى يناسبك اما الحقائب كل شخص يسمح له ب30 كيلو على الدرجة السياحية و40 على درجة رجال الاعمال وان الحقيبة لا تزيد عن 30 كيلو (تستطيع اخذ حقيبتين كل واحدة فيها 20 كيلو)
بعد ما ينزل اسمك فى التفويض ويوصل الخزانة تمشيلهم وتاخد منهم الرسالة وترفعها للبعتات
الخزانة فى طريق السكة مقابل اللجنة الشعبية العامة
هناك شروح مفصلة فى المنتدى على كل المواضيع السابقة ارجو التصفح سوف تجد الاجابة على كل الاسئلة ان شاء الله

السلام عليكم ورحمة الله
مع احترامي لمعلومة الاخ anosa بالنسبة للخزانة مكان التفويضات تم تغييره واصبح حاليا في نفس مقر اللجنة الشعبية العامة للتخطيط والمالية أمام مبنى سفارة سويسرا .
والعنوان بالضبط : امتداد شارع الجمهورية ( للمتجه شرقاً ) وعند الوصول لجزيرة الدوران الاولى ( جزيرة ميدان القادسية ) في منطقة الظهرة يلف لفة كاملة جهة اليسار ( شمالاً ) مع العلم يوجد شارعان أحد ممنوع .

وعند الدخول من الشارع المقصود تكون المالية في ثالث شارع جانبي على اليمين ( انتبه لكل شارع يوضح عليك عمارة المالية ) .

وهذه ارقام الخزانة للاستفسار : 0213345446 / 0213345447
الرقم الداخلي : 9

ودمتم في رعاية الله

منورين والله شباب ليبيا على المعلومات وبارك الله فيكم
ممكن نعرف هل التداكر اتطول بعد التفويض ولا شنو
السلام عليكم

التذاكر انت و حظك معظم الاحيان تطلع بعد التفويض بـ 3 أيام و احيان اخرى بعد التفويض باسبوع او اسبوعين

السلام عليكم
توا انا يا شباب ليا قريب 16 يوم ومازال مانزل التفويض
هل يا شباب ينزل بسرعه ولا مش معرف ممكن شهر
دراستى تبدأ شهر سبعه وانا نبى نمشى بدايه سبعه 1/7/2010
هل نلحق نكمل مع التداكر قبل هدا الوقت من الان
سلام

يا شباب هل اجراءات التفويض ينفع يكملها واحد مكانى ولا ضرور انا نحضرها بنفسى
لانى نبى نسافر ظرف طارىء وبنولى 16/6
ارجوكم افيدونى

السلام عليكم
أعمله توكيل بأستكمال الاجراءات و استلام التذاكر اعتقد انه افضل حل
و السلام

على حسب ما أعرف فانه يكفي ان تعطي احد اقاربك صور من البطاقة و جواز السفر
و سوف يقوم باستلام الاجراءات و لكن تاكد من قريبك يعرف ما هي هذه الاجراءات
حتى لا يلخبط في الاجراءات

يا شباب هل ورقه الخزانه تطلع بسرعه ولا يطولو فيها وهل يبو اوراق بيش يعطوها
ايضا هل ضرورى حضور صاحب الشأن ولا عادى حتى صديقى يقدر يكمل اوراقى
يعنى كان طلع اسمى فى التفويض نمشى للخزانه طول

يا جماعه انا من سبها وقدمت على التفويض مند حوالى 18 يوم
ونبى نعرف هل اسمى نزل فى التفويض الاخير ولا شنو
هل يوجد رقم تليفون نستفسر منه قبل ما نجى لطرابلس
بيش نعرف كان اسمى نزل نجى لطرابلس لانها مسافه من سبها
ارجو المساعده كان تعرفو رقم فى البعتات للاستفسار عن التفويض

اخي من سبها ابحت في المنتدي انا شفت ارقام البعتات لاكن مش عارف في اي من المنتديات في هدا المنتدي ابحت مزبوط وان شاء الله تجد كل ما تريده سلام

السلام عليكم
ممكن من فضلكم توضحولنا هل النقالات الصينيه تخدم فى استراليا ولا ممنوعه ما تخدمش
على سبيل المتال نقال كى 300 يخدم غادى ولا شنو من فضلكم خبرونى
انا سألت من قبل وما جاوبنى حد

والله يا خويه بصراحة استراليا كلها صيني بالاكل والصناعة حتي اللي يبيعوا في الاسواق اغلبهم صين فتوكل علي ربي وجيب معاك اي حاجة صينية

السلام عليكم ياشباب انا من سبها وقدمت على التفويض المالي من يوم 19شهر مايو الي لان ماعندي اي معاومات على هل اسمي طلع ولا ميزال وانا من طلاب الاوئل قرار613 من يقدر يفيدنا بمعلوم من حسن الحداد وشكرا