مرات!!!!!! (هل مرت بك احدى هذه المرات؟)

من طرف عمر الساكت السبت يناير 24, 2009 3:47 pm

مرات نطرب والمدامع سايلة
مرات يوم الفرح نبكى فيه
ومرات نتقل ثقل نقعد شايلة
ومرات حمل الريش نغلب فيه
ومرات نسقى والجوابى خالية
ومرات نعطش والميه فيه
ومرات نحمل في حمول الزايله
ومرات حتى الجرد كايد فيه
ومرات ندهب في خيار القايلة
ومرات حتى الليل نخبر فيه

ومرات نطرب والمدامع سايلة
ومرات يوم الفرح نبكي فيه

ومرات ننسى في جروحي الغالية
ونشقى بجرح رفيق ونداويه
ومرات تعجبني البعيد فعايله
ومرات فعله خوي ننكر فيه

..........................................................................................................................................................................................................................................مرات!!!!! 2
مرات يزهى خاطري وعيونى ومرات يا نفسي عليا اتهونى
مرات نبدا باهي ومرات نبدا في همومى لاهي
ومرات نتـصــبح و نمسى زاهى و نـــرقــــص مـعا الايــام و تغـنيلى
و مـــــرات يـبـدن فى الكنين دواهى حـتــى مـنـام الـلــيل مابا يجيني
..........................................................................................................................................................................................................................................مرات!!!! 3
مرات نبقا فى الحياه طربان........ومرات نبقا م الــزعل موجـوع

ومرات نبعد عن احباب زمان.......ومرات نرـجــع بالحنين ارجـوع

ومرات ليــــلى نرقده بطلان.......ومرات نرميه الغـــــطا مفجــوع

ومرات نعطى للظـــــلام امان.......ومرات م المغرب انقيد اشمـــوع

ومرات نبكى ع الغلا حزنان.......ومرات من ضحكى اتسيل ادموع