الملتقى فى جامعة السابع من ابريل 1-3-2010

االسلام عليكم....ياشباب اللى مشى للملتقى اليوم مع الدكتور عبد السلام النويصري.. يخبرنا مشكورا عن المستجدات والنصائح التى تفضل بها الدكتور...جزاكم الله خيرا

السلام عليكم
انى حضرت الملتقى وبصراحه كان مفيد جدا لانى طالبه عندى ايفاد ومكنتش حاطه استراليه في مخى لانى منعرفش عنها هلبه لكن بجد الدكتور تقريبا اعطى توضيح مفصل عن كيفية التسجيل والقبول الأكاديمى أو اللغة ونصح ان االطالب ياخد اللغة في نفس الجامعه اللى حيقرى فيها تكلم تقريبا عن أغلب الحاجات اللى ممكن يفكر فيها الطالب وكان في حضور هلبة للمحاضرة وبعد ماخلص المحاضرة فتح باب الاسئلة وهلبة طلبة سألوه وعطاهم اجابة واضحة خصوصا لطلبة الطب وقالهم بكل وضوح ان استراليه صعب فيها انك تجيب قبول اكلينكي يعنى تشتغل في المستشفيات متاعهم او حاجه زى هكى لانى بصراحه مش طالبة طب المهم انه حذرهم من موضوع القبول الاكلينكي وقال ان طلبة الطب اللى ياخدو كورس بس يعنى مش محتاجين لقبول اكلينكي تعتبر استراليا مناسبة ليهم ومعندهمش اى مشكله
تقريبا وضح كل شي اتكلم عن المناخ عن الاسعار في المعيشة والسكن
المهم انى مشيت حضرت المحاضره وانى مش مفكره في استراليا لكن بصراحه حسيت انها ممكن تكون مناسبة فعلا
وهذا اللى خلانى ندور منتدى الطلبة اليبين في استراليا ونشارك فيه وخصوصا ان طالبه اتعرفت عليها في الملتقى ومعرفتش حتى اسمها للأسف هيا اللى قاتلى اشتركى في المنتدى
المهم منبيش نطول عليكم مع انى طولت
اللى حابب يسأل على حاجه معينة ااذا كان تطرق ليها الدكتور او لا في المحاضره يتفضل يسأل
لان تقريبا مخي سجل كللللللل كلمه قالها
لانه بصراحه يشد الانتباه
وشكرااااااااا

بارك الله فيك أختي الكريمة:
عندي استفسارات هلبة فياريت توسعي بالك ""
اولا نبي نسأل بخصوص المعيشة والسكن تكفيها المنحة ولالأوخاصة المتزوج وعنده اطفال؟
والحضانة للطفال وكيف الحل اذا كانت غالية 70 80 دولار؟
والاستقبال وتوفير السكن المؤقت في حالة المكتب ما وفرهاش ؟وكيفية التصرف

السلام عليكم
بالنسبه للسكن وضح الدكتور ان السكن تقريبا من 1000 الى 1500 دولار استرليني والمنحة تقريبا للمتزوج وعنده اطفال3300 ووضح ايضا ان المنحة كافيه للسكن والمعيشة
اما بالنسبة لحضانة الاطفال الدوله متدفعش الرسوم للحضانه
وحضانة الاطفال وضح بانها غاليه شوي تقريبا 50 دولار استرالي لليوم وقال ان في نوعين للحضانه
حضانه برخصه وهاذى غاليه شوي لان يكون عندها شهادة مثلا انها تعرف اسعافات اوليه وما الى ذلك وحضانه من غير رخصه وهاذى طبعا ارخص هلبة يعنى ممكن تمشي أمورك في الحضانه لانهم بيكون ايام محدوده في الاسبوع وعندك خيارات يعنى
اما بالنسبة للاستقبال والسكن المفروض ان المكتب يوفرها زى متلا الوكاله الاسترالية
لكن اول حاجه تديرها لما توصل لاستراليا انك تمشي للمصرف وتفتح حساب وتراسل المكتب الشعبي وترسلهم الوتائق وتصور ختم الدخول اللى في جواز سفرك وترسله للمكتب بالفاكس
باش تنزل المنحه وتقدر تدبر امورك
ان شاء الله نكون قدرت نفيدك

السلام عليكم
اني حضرت اليوم الملتقى وبارك الله فيك أختي الكريمة على ها الملاحظات وما عنديش ملاحظات انظيفها عليك ومشكور الدكتور على المجهود لاكن ملاحظتي ان اليوم مفروض عطوا وقت اكبر للاستفسارات لأني تقريبا عددت خمس ملاحظات بس ثم انهي الجلسة بمعنى المفروض عطوا أكبر قدر ممكن من الاستفسارات خاصة من الاخوة اللي مدايرين اجراءات ومتعطلة حتى يستفيد الجميع بكم كبير ومتنوع من المعلومات هذا اللي انتظرناه حقيقة واني شخصيا عندي شوية استفسارات لاكن ما حصلتش فرصة نطرحها

بارك الله فيكم لنقلكم للمعلومه لنا

جزاكم الله خيرا

السلام عليكم اخوتي في المنتدي.انا طالب جديد في مدينه قولد كوست وهي مدينه رائعه وبالنسبه للسكن والايجار فيتم دفع اسبوعيا وتتراوح الاسعار من 140دولار استرالي الي حوالي 200دولار حسب المزايا والموقع وبالنسبه للمنحه فهي 2543دولار بمعني يستطيع اي طالب توفير .وانا انصح بشراء كل متطلبات ومستلزمات من ليبيا وهناك اشياء لاتتم معرفتها الاعند قدوم لاستراليا واذا احتجتم اي استفسار انا في الخدمه

السلام عليكم...بارك الله فيكم ياشباب على الايضاح وياريت نعرفوا اذا اتكلم الدكتور عن التامين الطبى وكيف يتم مثلا قبل السفر او بعد؟ وشنوا الاوراق التى يطلبها المكتب الشعبى حال وصولنا مثلا التفويض او رسالة البعثات او ورقة الخزانة العامة(اذن الصرف) وكيف يتم الحصول على السلفة عند الوصول الى استراليا وهل المبتعثين من قبل المؤسسة ياتيهم كل هذه الاوراق جاهزة من المؤسسة وكذك اريد الاستفسار عن التذاكر وكيفية حجزها وبالاخص الرحلات الداخلية كيف يتم حجزها ومن يتحمل تكلفتها مثلا ان ذاهب الى ادلايد والرحلة الداخلية اعتقد من مالبورن الى ادلايد....افيدونا افادكم الله

السلام عليكم
سمعنا خبر يقول بان فيه جامعات استرالية حيزوروا طرابلس يومي 6و7 /3 بفندق كورونثيا الى اي مدى هذا الخبر صحيح أرجو الرد

السلام عليكم و رحمة الله ،،نعم أختي مختاظ، يوجد مطار في مدينة ادليد و لكن على حسب علمي لا توجد رحلات في الدرجة السياحية مباشرة إلى مدينة أدليد( حيث ان إدارة البعثاث لا تتحمل إلا تكاليف الدرجة السياحية)،لذلك ينصح بالنزول في ملبورن ثم الإنتقال بالباص إلى أدليد حيث أنه أرخص وسيلة متوفرة،أو أخذ رحلة داخلية بالطائرة.
و الله أعلم.

السلام عليكم و رحمه الله و بركاته

شكرا لك اخي سعيد على هذه المعلومة فأنا لم أكن أعلم بها حقاً

السلام عليكم
بارك الله فيكم
كانا حضرنا المحاضره شكرا